Dy ish zyrtarë sirianë të rangut të lartë përballen me akuza për krime lufte në SHBA, tha në një deklaratë Departamenti Amerikan i Drejtësisë.

Sipas aktakuzës, ish zyrtarët e inteligjencës siriane akuzohen për përfshirje në një komplot për trajtimin mizor dhe çnjerëzor të të burgosurve civilë, duke përfshirë shtetas amerikanë, gjatë rrjedhës së luftës civile siriane. Ata janë identifikuar si Jamil Hassan, 72 vjeç, dhe Abdul Salam Mahmoud, 65 vjeç.

“Ata u angazhuan në një komplot për të kryer krime lufte përmes shkaktimit të trajtimit mizor dhe çnjerëzor ndaj të burgosurve nën kontrollin e tyre, duke përfshirë shtetas amerikanë, në ambientet e paraburgimit në Aeroportin Ushtarak Mezzeh (Burgu Mezzeh), afër Damaskut,” shtoi Departamenti i Drejtësisë.

Nga viti 2012 deri në vitin 2019, zyrtarët akuzohen se kanë qëlluar me kamzhik, djegur viktimat e tyre, varur në kyçet e duarve për periudha të gjata kohore,  kërcënuar me përdhunim dhe vdekje, tha Prokurori i Përgjithshëm i SHBA Merrick Garland./abcnews.al